阿女測驗

今個星期一至三係阿女測驗週, 而老婆又去了旅行, 所以就幫阿女溫習, 點知差不多俾阿女激死….. 星期六要上堂的關係,要阿女自己溫習先, 點知放學打電話回家沒有人接, 已經心知不妙, 再打俾姐姐, 原來阿女在PLAYROOM…. 乜PLAYROOM可以溫習的嗎..??不問由自可, 一問把幾火… 姐姐話阿女溫了一小時所以要求玩一小時。 吓! 成日只係溫了1小時????? 咁問了阿女成日做乜.. 原來係睇電視…… 當場吐血! (之後不批准考試期間落街玩同睇電視!!!)

 

到星期一, 因為阿女考完中文放11點, 想之前沒有與阿女溫英文(因為星期日全力溫中文), 所以下午請假回家與她溫習… ..一回到家, 見到成台都係玩具…姐姐話阿女要求溫了10分鍾就玩玩具……………當場吐血 AGAIN! 果然係日日新鮮………….根本沒有心溫的點教都冇用…. 結果下午捉住佢溫完英文…. (之後不批准溫習時休息玩玩具!!)

 

到星期二…. 經過兩日的不批准, 心想阿女應該會於最後一日努力溫好數學及常識吧, 所以放工才回家, (原來我係發緊春秋大夢!!) 點知….問阿女有沒有溫, 阿女答只溫了一點點…. 為何呢? 因為要收拾補習班的東西, 我問, 收拾東西要幾個小時嗎?? 最後說由於姐姐下午在房間唱歌, 所以溫不到書, 就玩耍了………….. 真係俾佢激到200幾磅都彈起………………………….結果同佢溫到晚上11點…. …仲要隻隻宇都唔識寫.....

 

究竟有什麼方法呢? 只是小學3年班, 真的不懂教!